Жүзден жүйрік

Тілді өркендету - баршаның ісі. Тіл - тек қарым – қатынас құралы емес, ұлтымыздың биік тұғыры. Бұл ретте біздің мемлекетіміздің тілге деген жанашырлығы басым. Елбасы жыл сайынғы халыққа жолдауында да басым бағыттарының бірі – мемлекеттік тілді жан – жақты дамытуға бысты назарда ұстап келеді. Қоғамда қазақ тілінің мемлекеттік дәрежесін нығайту еліміздің саясатының басты басымдығы болып қала береді. Қоғамда, мемлекеттік қолдау мүмкіндігі жоғары салаларда қазақ тілінің қолданыс аясы едәуір кеңейіп келе жатыр деп айтуға толық негіз бар. Қазіргі қоғамымызда жастардың белсенділігі жоғары. Жастарға баса назар аудару арқылы тіл саясатын жүргізу мол жемісін береді деп ойлаймын.
«Ана тілі дегеніміз – сол тілді жасаған, жасап келе жатқан халықтың баяғысын да, бүгінгісін де, болашағын да танытатын, сол халықтың мәңгілігінің мәңгілік мәселесі. Ана тілін тек өгей ұлдары ғана менсінбейді, өгей ұлдары ғана аяққа басады» деп Ғ. Мүсірепов айтқандай елдің болашағын, тілдің болашағын сақтау баршаның міндеті. Қазіргі жаһандану кезеңінде еліміздің ақпараттық кеңістігін әлемдік стандарттарға сай кеңейте отырып, мемлекеттік тілді ұлттық қауіпсіздіктің маңызды бір нысаны ретінде жетілдіруді және қорғауды қамтамасыз еткеніміз абзал.
Қазақстандағы тіл саясатының көпұлтты мемлекетіміздің тұрақты дамуына ізгілікті қызмет етіп отырғандығы қуантады. Сонымен бірге әр ұлт өкілдерінің қазақ тілін білуге талпынуы қуантатын жағдай.

«Рухани жаңғырту» бағдарламасы аясында қазақ тілі мен әдебиеті ұстаздарының арасында облыстық «Жүзден жүйрік, мыңнан тұлпар» сайысы өтті. II турдан өткен сайыста Архангелка жалпы орта білім беру мектебінің қазақ тілі мен әдебиеті мұғалімі Мусаипова Гульсара Дулатқызы мектебіміздің абыройын асқақтатты. I тур сырттай өткен сайыста портфолио тапсырып, келесі айналымға өтті.

II кезеңде Петропавл қаласы «Өрлеу» біліктілікті арттыру «Ұлттық орталығы» АҚ филиалында өткізілген сайыста ұстазымыз жүзден жүйрік, мыңнан тұлпар болып 3 – орынды иеленді.

Ұстазымызға болашақта да толағай табыстар тілейміз.

 
Рухани жанғыру

05.12.2017